13/12/17

Mares do mundo


Na área de Ciencias Sociais tocou aprender sobre os continentes e os océanos. Aproveitando que este curso temos como proxecto de centro O MAR quixemos ampliar os nosos coñecementos investigando sobre algún dos mares que temos no noso planeta.

Buscamos información en Atlas e na rede e finalmente colocamos no planisferio os óceanos e os mares que fomos descubrindo.

Noraboa rapazas e rapaces por tan bó traballo!!





TIBURÓN (5º E.I.)

Hai uns días a nosa compañeira Celia trouxo un tiburón de dedos, e como nos gustou moitísimo, hoxe fixemos un cada un.



05/12/17

ANIMAIS MARIÑOS 3D (5º E.I.)

A semana pasada puxemos uns lentes moi especiais, que, ao mirar por eles todo era vermello e azul.
Pero cando observamos diferentes animais mariños no libro (orcas, quenllas, osos polares, focas, tartarugas, peixes pallasos, etc) parecían que saían del, ata pensamos que a quenlla quería comernos porque tiña a boca moi aberta. Gustounos moito esta exepriencia, foi unha maneira diferente de ver os animais mariños.


22/11/17

CANTO MIDEN? (5º E.I.)

A semana pasada medímonos, e comprobamos que todos e todas miden máis dun metro, logo medimos o esquelete que nos regalaron os nenos e nenas de 3º de primaria, e comprobamos que mide máis que eles,concretamente 1.50 m.
Para logo pasar a ver canto miden os percebes, sardiñas, golfiños e baleas. Para velo mellor usamos cinta para poder comparar canto acupa cada unha. E para ver que unha balea é o animal máis grande do planeta, usamos o pasillo para poder ter todo o espazo posible. Primeiro, cada 2 metros, colocáronse nenos e nenas ata os 25 m aproximados que pode medir unha balea; e, finalmente, usamos un cordel azul, poñéndose uns nun extremo e outros no outro. Así, puidemos comprobar que estaban moi lonxe uns doutros. Case non nos chega o pasillo para saber canto mide unha balea adulta.


21/11/17

Investigamos: Polo Norte


O primeiro destino da clase de 6º E.I. lévanos o Polo Norte, así que o primeiro que fixemos foi pensar todo o que sabíamos deste lugar. Relacionámolo principalmente con Papá Noel e toda a súa familia, ademais de diversos animais como o oso polar, a foca, o lobo, renos... 
Para ampliar a información acudimos a biblioteca a investigar un pouco. Podedes ver todas as fotos premendo no seguinte enlace: polo norte.



03/11/17

VISITA DA BIÓLOGA LAURA ( INFANTIL)


O luns 30, tivemos a grande sorte de recibir a visita de Laura, que é bióloga e amiga da profe Patri. Falounos dun montón de cousas sobre a vida no mar : as baleas, animais que brilan na ocuridade, cunchas, corais, esponxas de mar, algas, orellas de mar... e ademáis deixounos tocar as cousas que trouxo, pero para iso precisamos das gafas de científicos que ela mesma nos regalou, Moitísimas grazas por vir e colaborar coas profes de infantil!!!!!!

 

02/11/17

Paco Souto. In Memoriam

Esta foi a homenaxe do noso alumnado a Paco Souto.
Con este acto, dou comezo o programa Novas crónicas de Malpica.
Recitaron poemas de Antonio García Teijeiro no seu libro Poemar o mar, que ven de ser distinguido co Premio Nacional de Literatura.
Nada máis acaído para lembrar a Paco: Poesía e mar.

VIII Semana das Lecturas Terroríficas

Este ano houbo gran diversidade: lecturas de contos, contos de creación propia, cancións... e ata un espectáculo de luz e son que nos ofreceron os máis pequenos.
Tivemos tamén un divertidísimo informativo sobre un gran monstro mariño aparecido en Malpica que inventaron os nenos e nenas de 5 anos.
O mar, e o medo, deron para moito.
Como final da semana, os escolares de 6º de primaria ofrecéronnos un recital poético con poemas do libro Poemar o mar, na memoria de Paco Souto

30/10/17

MUSEO DO MAR DE LAXE



O pasado xoves 26 de outubro todo o ciclo de Educación Infantil fumos visitar o Museo do Mar de Laxe, onde Joaquín explicounos moitas cousas sobre o Mar. Primeiro vimos unhas fotos antigas de Malpica onde non reconocíamos case nada, tamén vimos distintos barcos e as súas maquetas, que pescaban e como facían a súa maniobra, un oso da mandíbula da balea, un cañón... moitas cousas e todas moi interesantes. Á volta paramos no faro de Punta Nariga e estivemos vendo as illas Sisargas dende outra prespectiva e a clase de 6º E.I. buscou a pedra da Percebillosa, que é como se chama a súa clase. Podedes ver todasa as fotos da excursión premendo no seguinte enlace: Museo do Mar.

24/10/17

Que embarcación é?

A Federación Galega pola Cultura Marítima e Fluvial, coa colaboración da Deputación de Pontevedra, elaborou o contido desta publicación que vos achegamos.

Ten o valor de mostrar dun modo didáctico as características das nosas embarcacións tradicionais.

Os máis propios de Malpica son os que aparecen nas páxinas 22 e 40.
Queres saber cales son? Pois tes diante dos ollos a resposta.

23/10/17

MAR DECORES (5º E.I.)

Estivemos facendo peixes de cores, coloreando e logo picando, e no oco do peixe puxemos papel celofán de distintas cores para logo poñelos na caixa de luz e facer un mar de cores. Quedou moi bonito, encantounos o efecto das luces sobre o papel celofán.




Baleas

Esta mesma colección ten máis publicacións con outros animais.

20/10/17

O fondo do mar cheo de tesouros

Xa está aquí a selección de lecturas para o Samaín. O escenario no que se xuntan restos de naufraxios e tesouros é o fondo do mar. Ven á biblioteca escoller os teus tesouros!